Monday, Mar. 08, 2010 11:58 p.m.
this is gonna be one of the 廢est entries. 不過有感而發. forgive me... 又要老實
又要唔悶
又要醒目
又要唔太淫
又要溝通到
原來萬中無一 正如又要自閉
又想有艷遇
根本冇可能 - 一方面我好似好著緊回憶，成日都要影相、寫diary記低D野，但係另一方面我好善忘，有D以為好難放得低既野，全部都比想像中容易放低。 我竟然冇感覺，而一兩年之前，我完全想像唔到心情可以咁平靜。怪哉。 忘記是一種保護自己的mechanism吧。 - 以前買黑人牙膏會送發泡膠玩具，即係有幾塊唔同顏色既發泡膠，可以搣D已經預先cut好左既組件出離，然後可以砌火車、船仔之類，好好玩。有冇人玩過？ 喜歡那種五顏六色發泡膠的化學味。也暗暗喜歡油漆、天拿水、膠水、lacquer的味道。 - 從來不入戲院的媽嚷著要看歲月神偷，我看她趁墟的成份多於真的對電影有興趣。得獎就有這種作用，香港人始終看重這些。 無論如何，自6歲（大概是6歲吧？）試過一家四口入戲院看小魚仙之後便沒有再跟阿媽睇戲了，就當是親子活動吧。順便帶她參觀UA Cityplaza，讓她看看我做的究竟是甚麼工作，為甚麼總是回不了家吃飯。 |