Saturday, Sept. 12, 2009 10:04 p.m.
星期三老細話我好似病得好辛苦，叫我快D走，我仲以為自己聽錯，但係反覆聽左2 3次之後，發覺冇聽錯。食左LUNCH即刻過海搵許晏冬睇皮膚，返屋企訓一覺再落街睇多次感冒。 連續幾日發好多夢，夢見耶穌、同事話要改DESIGN等等，奇奇怪怪的一大串夢。記得畢業之後返到屋企，連續一兩星期都晚晚發夢，好似要將三年黎因為冇得訓而發唔出既夢發晒出黎咁。今次亦係類似情況吧。 明明有野想講，LOG IN之後就唔記得左。 teamwork，每個人長處唔同，做唔到同一個standard都冇計。以前會盡量包辦最後既整合同proofread，end up有d野會變左自己做埋。而家工作量太多，冇可能自己做晒所有野，要學識接受現實。雖然有時都會向claudie wrong埋怨。情況好似老細睇我寫D synopsis激氣到要自己rewrite一次，咁我D英文水平係去到咁ga la，我盡晒力都只可以寫D咁劣既英文，唔可以怪我ga wor。所以同事contact寫錯做contract、串錯人地個英文名等等，你都冇得怪佢，佢真係唔識，咁唯有由識既人check一次lor。 有時睇到大細超既情況自己都覺得好uneasy。唔想dragged into politics. fortunately everybody there is understanding and has high EQ geh. if i ng gur someone i wouldn't hide it. so i wouldn't be the one who talks behind someone's back. 朝早搭38號有時會遇到堂哥，向來只會講工作或者讀書，但係最近一兩次搭車，竟然講到佢既感情事。心諗我地都日漸年長，終於唔係講門面野，可以開展"人"與"人"既對話。 我同哥哥兩兄妹拜年，永遠都係哥哥搶鏡D，因為佢高大、多野講又識打麻雀。我唔係唔講野，但係大家好似唔知同我講咩好，同埋我太擺明唔鍾意每次見面都會重演一次既Q&A gwa （向每個親戚重覆一次今年幾歲、幾年班、有冇練琴、考左幾多級、阿媽有冇鬧、返工時間放工時間返工地點、出去食定帶飯食、幾錢人工、鍾唔鍾意份工、建築係咪即係ENGINEERING、唔係咁係咪即係裝修、不如你幫我設計個花園......）。 呢位堂哥，係同我地兩兄妹最多野講，最當我係一個人(someone that matters, not just anyone)既一位親戚。 從佢口中得知向來多煙酒既姑丈患左舌癌，但係未知病情有幾嚴重。即刻諗起幾年前日日搭40號去醫院探爸爸既痛苦日子。 未見到病人之前，我仍然淡然。 對這位姑丈其實一無所知，較讓人擔心的，倒是姑姐與或許再次要白頭人送黑頭人的祖母。祖母那眼神最讓我不忍直視。 |