Thursday, Nov. 20, 2008 11:21 p.m.
2日寫52集連translation，好不可思議，不過總算做到。 不過亦都有預感老細睇完會ban晒我地d ideas鬧我地寫得勁差。 俾細路睇既野就係咁。design俾細路既野，好多時都唔係細路想要既野。當年阿媽就唔俾我睇sailor moon因為變身好咸濕，唔俾睇漫畫因為冇益，唔俾睇兒童周刊因為入面淨係講卡通片，冇教育意義。細路仔應該睇咩呢？應該睇唐詩三百首，叮噹都尚算ok因為冇血腥色情，小說最好唔好有太多插圖，世界名著為主，講魔法既最好唔好睇喇因為對幫助細路成為另一個大人冇作用。 老細就係太serious，口口聲聲話要crazy ideas，但係設計埋晒d character都好正經，d 故事內容又唔好笑，一味講人生道理。我地覺得好笑既位佢都唔識笑，見你d英文寫得冇咁好就ban晒你寫d野，我就唔信一個中年男人會比二十幾歲既後生仔更加明白細路既心理。 |