Friday, Oct. 03, 2008 10:37 p.m.
自從好多年前電視播包青天，學校d同學係咁話何家勁演既展超好靚仔之後，我地一家人開始發覺原來屋企樓下有間馮展超趺打。小學既我都深知此展超不同彼展超，但係每次我去展超隔籬既醫生同牙醫，都會望住展超個招牌，心諗會唔會有一日我會有機會幫襯呢。於是廿幾年黎從未拗過柴，從未睇過趺打既我，今日終於有機會入內參觀。 一如所料，展超師傅只係五六十歲，身型略胖既普通一位中醫而已。身處呢個十年如一日既舊舖入面，聞住藥油味，擅自睇住師傅自己買左都未得閒睇既報紙，吹住風扇，一瞬間竟然感到好幸福，心裏面想同師傅講：展超兄，其實我細細個就聽過你個名架喇，我等左你好多年喇。 - 放晚放工返黎，因為不良於行，唔去葵芳食飯，轉而搏樓下美心未閂，如果閂左就去興盛。發現美心冇野食之後，落地面發覺開左好多年但係自己未試過既小餐廳仲開緊門，有越式湯河又有意粉，姑且一試。問小伙計佢地幾時收檔，佢話實不相瞞，以經要收ga la，見係我就俾我入黎啦。叫左碟螺絲粉，熱騰騰，開心。以後九點半前返到黎葵興都可以幫襯一下。 - 在讀笑忘書。昆德拉仍是句句珠璣，對人性的分析實在教人佩服。 - 星期一練琴，興奮。 - 好想單freelance快d完。 |