Sunday, May. 25, 2008 5:28 p.m.
去沙田ikea一轉，感覺虛脫。
返屋企即刻撻落床，但係感覺痛苦多過relieved。 星期六攞住小提琴返屋企既時候，我想返樂團玩。拎住個大陸琴，我覺得我有責任愛佢，照顧佢一世，同佢做一世既好朋友。 同樣既愛情，係絕對唔會發生o係我同鋼琴之間。 等巴士，隔籬個十三四歲o靚妹隨地吐痰。點解呢個小朋友會咁做架呢。點解佢旁邊既男朋友會冇反應架呢。點解個女仔吐完痰個男友會遞自己食緊支煙俾佢然後個男友又擺返入自己口繼續食呢。而點解呢個男朋友又會將食左不過二十秒既煙公然拋落路中心呢。 偶然睇到d相。nice surprise。唔係以前見到既bob頭黑框眼鏡女仔，換左另一個有少少似mixed，皮膚好白，有少許知性感覺既女仔。從來都冇幻想過佢會喜歡邊類型既女孩子，不過我總係覺得佢揀得既一定係性格可愛獨特兼有內涵。祝佢地幸福啦。 唔知同佢一齊係點架呢。唔鍾意行山既話好似會唔ok喎。唔知佢浪唔浪漫架呢？體唔體貼呢？好唔好笑呢？穩唔穩重呢？溫唔溫柔呢？in唔intellectual呢？佻唔佻皮呢？鹹唔鹹濕呢？有冇風度呢？小唔小器呢？�� dear brother i wish you all the best. |